有個用醫療咭嘅清潔姐姐，連同兩位同事一齊入嚟搵我。同事好關心病人，一開頭已經搶住講嘢。主要就係話呀姐好似有老人癡呆，好擔心佢。
呀姐查實之前已經睇左另一個家庭醫生，寫咗封轉介信俾佢去睇精神科。佢哋今次再搵我係因為佢嘅保險唔會Claim到睇精神科。佢想我寫過第二封轉介信俾佢。
問題唔係寫唔寫呢封信咁簡單。第一，你用醫療咭入嚟睇我，認知障礙呢一個Diagnosis我根本唔可以幫你Claim到我嘅Consultation Fee。但係你又唔肯真金白銀俾錢去睇我，咁其實呢一個Conversation已經完咗。不過當然佢哋唔肯走。
第二，轉介精神科冇錯喎。個GP好叻仔／女呀。
第三就算我轉介左你堅持要睇嘅腦科，人哋個專科最尾都Unlikely會幫你Claim到$。等你做晒啲電腦掃描啊，抽血啊，先至知道原來Claim唔到，咁你到時仲大鑊。就算做完曬Investigation，Find Out原來係 Organic Cause 嘅 Dementia，我都唔覺得保險公司會賠。
除非你係勁勁勁勁勁大粒，如果唔係，一個普通打工仔嘅公司醫療保險係唔會包到呢啲病嘅。佢個間醫療保險連偏頭痛，牙肉腫，鬼剃頭等等都唔包。更加唔使講包失眠，情緒低落，工作壓力大等等。唔好問點解，佢哋係話唔包，我哋同佢坳都冇用。真係吹佢唔脹。人哋啲遊戲規則係咁，你都冇辦法㗎喎。醫療保險乜都包，人哋點賺錢喎？ 唉～～
第四，呀姐係鬼老人癡呆姐！其實我之前已經見過佢，佢有提過近排有啲健忘。不過佢仲健健康康日日返工！唔好嚇鬼！佢最多MCI！同事們攞住個Dementia單張，見佢地樣樣野都✔️，好似每一樣野都中晒咁。阿姐又知今日幾多號，知我係邊個，知道呢度係診所。不過好現實，你唔科水，我唔會幫你 Complete MMSE。但係我估佢應該25分樓上。嗰陣咪叫鬼左佢去排精神科囉，又唔聽講……
～～～～
唔知係咪知我食得太好呢，上面嗰位🙏🏻🙏🏻幫我安排左清腸胃。我連續屙左兩日，已經10次以上。咪就係上次影俾你地睇嗰個椒鹽蝦累事囉。不過佢真係好好味呀～
好在有同事雪中送炭，送上兩支寶礦力洗下。多謝曬～ 😄😄
不過個肚腩仲喺度喎，真係頑強！老朋友，果然係你一路陪到我最尾！
公司醫療保險 幾 錢 在 加拿大基本員工醫保福利團體醫療保障須知無上限藥物費用牙醫 的八卦
加拿大基本員工醫保福利團體醫療保障須知無上限藥物費用牙醫、按摩都包？打工仔必睇Employee Basic Group Benefits Plan 加拿大 醫療保險 篇《盈亮理財 ... ... <看更多>